बिना मास्क सुपरमार्केट पस्न नपाएपछि महिलाले भित्री वस्त्र खोलेर मास्कको रुपमा लगाइन्

रोचक

बिना मास्क सुपरमार्गेटमा सामान किन्न गएकी एक महिलालाई बिना मास्क प्रवेश गर्न नदिइएपछि उनले आफ्नो भित्रै वस्त्र फुकालेर मास्कको रुपमा लगाएकी छिन् ।

ती महिलाले भित्रै वस्त्र खोल्दै गरेको र त्यसलाई मास्कको रुपमा लगाएको भिडियो इन्टरनेटमा भाइरल भएको छ । द सनको रिपोर्टअनुसार यो अनौठो घटना दक्षिण अफ्रिकाको पिक एन पे सुपरमार्केटमा क्यामेरामा रेकर्ड भएको थियो । यो भिडियो अनलाइनमा सार्वजनिक भएपछि यसले तरंग ल्याएको छ ।

द सनको रिपोर्टअनुसार ती महिलालाई सुरक्षा गार्डले अनुहार छोप्न आग्रह गरेका थिए तर महिलाले आफूसँग मास्क नभएको दावी गरेकी छिन् । महिलालाई पसलबाट बाहिर निकालिने चेतावनी दिइएपछि उनले आफ्नो कपडाभित्र हात हालेर भित्री वस्त्र फुकालेर अस्थायी मास्कको रुपमा लगाएको भिडियो फुटेजमा देखिन्छ ।

यो क्लिप अनलाइनमा भाइरल भएसँगै यसले आक्रोश उत्पन्न गरेको छ । सामाजिक संजालमा महिलाको आलोचना भइरहेको छ । गएको डिसेम्बर महिनामा दक्षिण अफ्रिकी राष्ट्रपति सिरिल रामाफोसाले सार्वजनिक ठाउँमा मास्क नलगाउनु अपराध हो भन्ने कुरामा जोड दिएका थिए । उनले भनेका थिए –‘मास्क नलगाएको व्यक्तिलाई पक्राउ गरी कारवाही गर्न सकिन्छ । दोषी ठहर भए उनीहरूलाई जरिवाना वा छ महिनाभन्दा बढी कैद वा दुवै सजाय हुनेछ।’

Leave a Reply

Your email address will not be published. Required fields are marked *