आर्थिक

नेपालको ठूलो व्यवसायिक घरना गोल्छा ग्रुप अन्तर्गतको हंशराज हुलास प्रालिले नेपालमै बजाज मोटरसाइकलको पार्टपुर्जा उत्पादन गर्ने तयारी गरेको छ । निकट भविष्यमै कम्पनीले विदेशी प्राविधिक तथा टेक्निसियन ल्याएर पार्टपुर्जा उत्पादन गर्ने गृहकार्य थालेको हो । हाल गोल्छा ग्रुपले बजाज बाइकको एसेम्बल उत्पादन गर्दै आएको छ । नवलपरासीमा रहेको उद्योग मार्फत बार्षिक ५० देखि ६० हजार भन्दा बढी मोटरसाइकल उत्पादन हुँदै आएको गोल्छा ग्रुपका निर्देशक अभिमन्यू गोल्छाले जानकारी दिए । ‘हाल विदेशबाट पार्ट्स ल्याएर मोटरसाइकलको एसेम्बिलङ मात्रै भइरहेको छ जसको कारण मूल्य घट्न सकेको छैन तर, निकट भविष्यमै नेपालमै मोटरसाइकका लागि आवश्यक पार्टपूर्जा नेपालमै उत्पादन गरेर ‘लोकलाइज’ गर्ने तयारीमा छौं’ गोल्छाले भने । नेपालमै पार्टपूर्जा उत्पादन हुन लागेपछि ग्राहकले सस्तोमा मोटरसाइकल खरिद गर्न पाउने र अहिले भइरहेको सेवा र...